बित्थडचिरमा जेष्ठ नागरिकसँग अध्यक्ष स्वास्थ्य उपचार तथा परामर्श कार्यक्रम सुरु, घरमै गएर सेवा दिइदै

बित्थडचिर गाउँपालिकामा जेष्ठ नागरिकसँग अध्यक्ष स्वास्थ्य उपचार तथा परामर्श कार्यक्रम सुरु भएको छ । गाउँपालिकाले पालिकाभरका ११ वटा स्वास्थ्य संस्थामा कार्यरत स्वास्थ्यकर्मी खटाएर आजबाट यही असार १० गतेसम्म ९ वटै वडाहरुमा रहेका जेष्ठ नागरिकको स्वास्थ्य परिक्षण तथा परामर्श र सरसफाई सम्बन्धि सचेतना कार्यक्रम सुरु गरेको हो ।

जेष्ठ नागरिकसँग अध्यक्ष स्वास्थ्य उपचार तथा परामर्श कार्यक्रम अन्तर्गत जेष्ठनागरिकहरूको रक्तचाप मापन, ज्वरो, ग्याष्ट्रिक, एलर्जि, दम तथा श्वासप्रश्वास, झाडापखाला, हातखुट्टा दुखाई, आँखा सम्बन्धि समस्या, सुगर, प्रेसर चेकजाँच गरिनुका साथै भिटामिन र जुकाको औषधिका साथै आवश्यक अन्य औषधी वितरण गरिने बित्थडचिर गाउँपालिका स्वास्थ्य शाखा प्रमुख गौरीलाल बोहराले जानकारी दिनुभयो ।

उहाँका अनुसार स्वास्थ्यकर्मीहरु सबै वडाहरूमा रहेका ६० वर्ष माथिका जेष्ठ नागरिक र अशक्त ब्यक्तिहरूलाई घरदैलो तथा टोलमा गएर स्वास्थ्य उपचार तथा परामर्श गरिरहेका छन् ।