बित्थडचिर गाउँपालिका : बोट विरुवा खरिदमै एक लाख बढी रुपैयाँ अनियमितता 

बित्थडचीर गाउँपालिकाले बोट विरुवा खरिदमा सरकारी दररेट भन्दी बढी मुल्य देखाएर अनियमितता गरेको देखिएको छ । पालिकाले गत आर्थिक वर्षमा आमाको नर्सरी वागवानी फार्म रामेछापबाट खरिद गरि ल्याएका ७५० गोटा विरुवामा सरकारी दररेटभन्दा बढी मुल्य खरिद गरि एक लाख ५ हजार रुपैयाँ नियमितता गरेको देखिएको हो ।

महालेखा परिक्षकको हालै सार्वजनिक प्रतिवेदन अनुसार सरकारले तोकेको दररेट प्रतिविरुवा रु १०० मा खरिद गर्नुपर्नेमा पालिकाले प्रति विरुवा रु २४० मा खरिद गरि प्रतिविरुवा रु १४० बढीमा खरिद गर्दा रु १ लाख ५ हजार अनियमितता गरेको देखिएको छ ।

प्रतिवेदनमा गाडीभाडा सम्झौता नगरि ३० हजार दिएको, किसानको जग्गाको क्षेत्रफल यकिन नगरि २६ जनालाई २५ गोटाका दरले, १० जनालाई ८ गोटाका दरले र एक जनालाई २० गोटा विरुवा वितरण गरेको, २५ जना कृषकलाई यातायात खर्च वाफत रु ५०० का दरले हुने रु १२ हजार ५ सय वितरण खर्चको आधार के हो पेश नगरेको, विरुवा खरिदको कोटेशनको  पेश नगरेको, सहि कृषकहरु छनौटका आधार उचित वितरणका आधार प्रष्ट नगरि वितरण गरेको, वोटविरुवा रोपण भए कि भएनन् र रोपणपछिको अवस्थाबारे पालिकाले अनुगमन नगरेको उल्लेख छ ।