भारतमा ग्यास बिस्फोट हुँदा बझाङका एक बालकको मृत्यु, चार जना गम्भीर घाइते

भारतमा ग्यास बिस्फोट हुँदा बझाङका एक बालकको मृत्यु भएको छ । मृत्यु हुनेमा जयपृथ्वी नगरपालिका -११ सुइलका प्रशान्त बोहरा रहेका छन् । उनको व्याङलोरको सिटी मार्केटमा रहेको भेक्टोरीया अस्पतालमा उपचारको क्रममा आज मृत्यु भएको भारतबाट डेउडा प्रतिष्ठान कला विभागका पुष्पराज खत्रीले बताउनुभयो ।

रोजगारीको सिलसिलामा भारतको व्याङलोर हेलङ भन्ने ठाउँमा बस्दै आएका मदन बोहराको कोठामा गयराति १२ बजे ग्यास पड्किदा एकै परिवारका ५ जना गम्भीर घाइते भएका थिए । यस्तै घाइते मधन बोहरा, प्रमजला बोहरा, निरुता कुमारी बोहरा, अनिता कुमारी बोहराको उपचारका क्रममा छन् । उनीहरुको व्याङलोरस्थित सिटी मार्केटमा रहेको भेक्टोरीया अस्पतालमा उपचार भइरहेको छ । 

उनीहरूको उपचारमा धेरै खर्च लाग्ने र आर्थिक स्थिति कमजोर रहेकाले समस्या भएको भन्दै सहयोगको अपिल गरिएको छ । सहयोग गर्न चाहने व्यक्तिहरूले पुष्पराज खत्रीको भारतको नम्बर ८९०४४१६७७९ र शिव धामीको ९६११२६४०७१ मा सम्पर्क गर्न सक्ने जनाइएको छ ।