गणतन्त्र दिवसको अवषर पारि थलारा -९ बासीलाई एक दिने नि:शुल्क दन्त शिविर

थलारा गाउँपालिका वडा नम्बर -९ ले गणतन्त्र दिवसको अवषर पारि एक दिने नि:शुल्क दन्त शिविर आयोजना गरेको छ । वडाले मंगलबार गणतन्त्र दिवसको अवसर पारि मालुमेला स्वास्थ्य चौकीमा एक दिने नि:शुल्क दन्त शिविर आयोजना गरेको हो । 

वडामै शिविर सञ्चालन हुँदा वडाबासीको उत्साहजनक सहभागिता रहेको थियो । वडा कार्यालयको आर्थिक सहयोग र साइपाल डेन्टल क्लिनिकको प्राविधिक सहयोगमा बसेको दन्त शिविरमा ८० जनाले सेवा लिएको वडाध्यक्ष लोकेन्द्र विष्टले जानकारी दिनुभयो । 

विगतमा आफूहरुले सदरमुकाम चैनपुर, धनगढी गएर दन्त सेवा लिदा महँगो हुने हुँदा उपचार गर्न चाहेर पनि नसेको र यसपटक वडा कार्यालयले घर आँगनमै शिविर आयोजना गर्दा सेवा लिन सहज भएको स्थानीय तथा सेवाग्राही लक्ष्मी विष्टले बताउनुभयो । 

शिविरले वृद्धवृद्धा, बालबालिका, अशक्त,अपाङ्ग, गरिब, एकल महिला तथा दन्त स्वास्थ्य सेवाबाट टाढा भएकाहरूको लागि धेरै ठूलो योगदान दिएको साइपाल डेन्‍टल क्लिनिकका सञ्चालक सत्यराज भण्डारीले बताउनुभयो ।

उहाँले यस्तै जनमुखी काम तर्फ अन्य वडा तथा स्थानीय तहले ध्यानदिनुपर्नेमा जोड दिनुभयो ।