काफलको रुखबाट लडेर बझाङमा एक महिलाको मृत्यु

काफलको रुखबाट लडेर बझाङमा एक जनाको मृत्यु भएको छ । जिल्लाको वित्थडचिर गाउँपालिका वडा नं. -७ ठूलीखालीमा काफल खान गएका बेला रुखबाट लडेर बुंगल नगरपालिका १० डौडकी प्रमा बागको रुखबाट लडेर मृत्यु भएको जिल्ला प्रहरी कार्यालय बझाङले जनाएको छ ।

आज घरबाट वित्थडचिर गाउँपालिकाको देउलेक बजारमा सामान किन्न भनेर आएकी र दिउँसो साढे १२ बजेतिरको समयमा साथिहरुसँगै ठूलीखाली बन क्षेत्रमा काफल खान भनेर आएको प्रहरी जनाएको छ ।

प्रहरीका अनुसार बागका साथीहरु काफल टिपेर फर्किए पनि उनी नफिर्किएपछि उनको खोजी गरिएको थियो । खोजी गर्दा उनी काफल खानका लागी रुखमा चडेकी र रुखबाट लडेर घटनास्थलमा नै मृत्यु भएको जिल्ला प्रहरी कार्यालय बझाङका प्रहरी नायव उपरिक्षक भरत शाहले जानकारी दिनुभयो । अहिले जिल्ला प्रहरी कार्यालय बझाङको टोली त्यस तर्फ खटिगएको छ ।