जयपृथ्बी नगरपालिका ८ मा पढाई मेला सम्पन्न

जयपृथ्बी नगरपालिका -८ मा आज पढाई मेला सम्पन्न भएको छ ।  प्रगतिशिल युवा समाजको आयोजना तथा वर्ल्डभिजन इन्टरनेशनल नेपालको आर्थिक सहयोगमा समावेशी तथा गुणस्तरीय शिक्षा परियोजना अन्तर्गत आज पढाई मेला आयोजना गरिएको थियो ।

पढाई मेलामा जयपृथ्वी नगरपालिका वडा नं. ८ भित्रका ५ वटा बिद्यालयको सहभागिता रहेको प्रगतिशिल युवा समाजका फिल्ड अधिकृत शिवराज रोकायाले जानकारी दिनुभयो । 

हाजिरीजवाफ, चित्रकला, हिसाब दौड, श्रुतिलेखन र पढाई प्रतियोगिता गरी पढाई मेला संञ्चालन गरिएको हो । बालबालिकामा रहेको अन्तर्निहित क्षमतालाई बाहिर ल्याउने र परियोजनाबाट भएका क्रियाकलापको प्रभाव मुल्यांकन गर्ने उदेश्यले उक्त मेलाको आयोजना गरिएको थियो । प्रगतिशिल युवा समाजले जयपृथ्वी नगरपालिकाका २० वटा विद्यालयहरुमा विभिन्न कार्यक्रम संञ्चालन गर्दै आइरहेको र कार्यक्रमको प्रभावकारिता मुल्याङ्कन गर्नका लागि बेला बेला विभिन्न कार्यक्रम गर्दै आइरहेको छ । 

युवावर्श आधारभुत विद्यालय व्यवस्थापन समितीका अध्यक्ष रामगिरी धामीको अध्यक्षतामा सञ्चालन भएको उक्त कार्यक्रममा जयपृथ्वी नगरपालिकाका शिक्षा, युवा तथा खेलकुद शाखाका प्राविधिक सहायक देबेन्द्रप्रसाद जोशी प्रमुख अतिथी रहनुभएको थियो । कार्यक्रममा विभिन्न ५ वटा विद्यालयका शिक्षक विद्यार्थी अभिभावकहरुको सहभागिता रहेको प्रगतिशिल युवा समाजका फिल्ड अधिकृत शिवराज रोकायाले जानकारी दिनुभयो ।