जयपृथ्वी अस्पताल चैनपुरमा वैशाख ३० र ३१ गते वरिष्ठ मुटु रोग विशेषज्ञ डाक्टर आउँदै

बझाङमै पहिलो पटक जयपृथ्वी अस्पताल प्रा.लि. चैनपुरमा वरिष्ठ मुटु रोग विशेषज्ञ डाक्टर आउनुहुने भएको छ । नेपालकै प्रसिद्ध मानिएको मुटु अस्पताल शहीद गंगालाल राष्ट्रिय हृदय केन्द्र काठमाण्डौमा काम गर्नुभएका वरिष्ठ मुटुरोग विशेषज्ञ डा. चित्रराज शर्मा मुटुको भिडियो एक्स-रे/ ECHO सुविधा सहित यही बैशाख  ३० र पर्सि ३१ गते  जयपृथ्वी अस्पताल प्रा. लि. चैनपुर बझाङमा बिरामी चेकजाँच तथा उपचारका लागि आउन लाग्नुभएको हो ।

अस्पतालका प्रबन्धक अशोक मल्लका अनुसार भारत सरकारको छात्रवृत्तिमा PGIMER चण्डिगडबाट इण्टर्नल मेडिसिनमा MD र नेपाल सरकारको छात्रवृत्तिमा न्याम्सबाट कार्डियोलोजी विषयमा DM गर्नुभएका वरिष्ठ मुटुरोग विशेषज्ञ डाक्टर चित्रराज शर्माले बझाङमा पहिलो पटक इको सुविधासहित जन्मजात मुटुमा समस्या,  मुटु सुन्निने, मुटुको भल्भको समस्या, हृदयघात, छाती दुख्ने दम तथा स्वासप्रश्वास सम्बन्धी दीर्घरोगको उपचार सम्बन्धी सेवा प्रदान गर्नु हुनेछ। यसका साथै शिविरमा मुटुको धड्कनमा गडबडी, रक्तनलीमा समस्या, उच्च रक्तचाप, उच्च कोलेस्ट्रोल तथा मुटु सम्बन्धी दिर्घ रोग भएकाहरुको पनि उपचार गरिने प्रबन्धक मल्लले बताउनुभयो । उहाँका अनुसार मुटुको समस्याले खुट्टा सुन्निने, थकाइ लाग्ने, सास फेर्न गार्हो हुने, थाइरोइडको समस्या, डायविटिज, युरिक यसिड, बाथरोग जस्ता दिर्घ रोगको पनि उपचार गरिनेछ । 

डाक्टर शर्माले एन्जीयोप्लास्टी गरेका बिरामीको फ्लो अप जाँच सेवा वाइपास सर्जरी र भल्बको अपरेशन भएका बिरामीहरुको फ्लोअप र मुटु सम्बन्धी औषधी सेबन गरिरहेका बिरामिहरुको फलोअप चेकअप तथा परामर्श सेवा दिइने जयपृथ्वी अस्पतालले जनाएको छ।