साइपाल गाउँपालिकाले संञ्चालन गरेको क्षमता अभिवृद्धी तालिम सम्पन्न

बझाङ । साइपाल गाउँपालिकाले संञ्चालन गरेको क्षमता अभिवृद्धी तालिम आज सम्पन्न भएको छ । साइपाल गाउँपालिकामा रहेका मेलमिलाप कार्यकर्ता तथा न्यायिक समितीका रहेका जनप्रतिनिधीहरुका लागि आयोजना गरिएको चार दिने क्षमता अभिवृद्धी तालिम आज (बिहीबार) सम्पन्न भएको साइपाल गाउँपालिका उपाध्यक्ष डोल्मा तामाङले बताउनुभयो । 
गाउँपालिकाका सवै वडामा गठन गरिएका मेलमिलाप समुहमा रहेका मेलमिलाप कार्यकर्ताहरुको क्षमता अभिवृद्धी गर्ने र गाउँघरमा हुने सामान्य खालका विवादका घटनाहरुलाई वडास्तरमा नै समाधान दिनेगरी गठन गरिएको मेलमिलाप समुहमा रहेका मेलमिलाप कार्यकर्ताहरुका लागी उक्त तालिमको आयोजना गरिएको उपाध्यक्ष तामाङले बताउनुभयो । तालिम पश्चात् पालिकामा आउने सामान्य विवादका घटनाहरु वडास्तरमा नै समाधान हुने अपेक्षा गाउँपालिकाले लिएको उहाँले बताउनुभयो । साइपाल गाउँपालिकामा रहेका ५ वटा वडाका १५ जना मेलमिलाप कार्यकर्ता तीन वटा माध्यामिक विद्यालयमा रहेका एक एक जना शिक्षकलाई उक्त क्षमता अभिवृद्धी तालिम दिइएको हो । 
चार दिनसम्म संञ्चालन भएको उक्त तालिममा अधिवक्ता पदम पाल र रमेश बोहराले सहजीकरण गर्नुभएको थियो, भने क्षमता अभिबृद्धी तालिमको आयोजना साइपाल गाउँपालिकाले गरेको थियो ।