सेती नदीमा हाम फालेकी किशोरीको उद्धार

बझाङ । बझाङमा सेती नदीमा हाम फाल्दा एक किशाेरी घाईते भएकि छन् । सेती नदीमा हाम फाल्दा जयपृथ्वी नगरपालिका वडा नं ११ कि अन्दाजी १८ बर्षिय सुनिता सार्की घाईते भएकी हुन् । सार्कीले बुधबार आज अपराह्न साढे ४ बजेतिर जयपृथ्बी नगरपालिका १० पानकोट पुल नजिकैबाट सेतीनदीमा हाम फालेको स्थानियले देखेपछि उद्दार गरेका थिए । सार्कीको अहिले  चैनपुरस्थित जयपृथ्बी अस्पतालमा उपचार भईरहेको र अवस्था मध्यम रहेको जिल्ला प्रहरी कार्यालयका सुचना अधिकारी दिपेश चौधरीले बताउनुभयो । 
किशोरीले हाम फाल्नुको कारण भने पत्ता नलागेको र घटनाका विषयमा प्रहरी सहायक निरिक्षक मोहन सिंह रावलको कमाण्डमा ४ जनाको प्रहरी टोलीले अनुसन्धान गरिरहेको प्रहरीले जनाएको छ ।