बझाङमा आगलागी हुँदा तीन घरमा क्षति, क्षतिको विवरण संकलन हुँदै

बझाङमा आगलागी हुँदा तीन घरमा क्षति पुगेको छ । मष्टा गाउँपालिका- ६ रिलुटोलका जिते रोकाया, ईश्वर रोकाया र लोकेन्द्र रोकायाको एउटै धुरी जोडिएका तीन घरमा आगलागी भएको हो । 

आज दिउँसो १२ बजेतिर भएको आगलागीबाट मानवीय क्षति केहि नभएको र अन्य धनमालको क्षति विवरण संकलन गर्ने कार्य भइरहेको जिल्ला प्रहरी कार्यालय बझाङका सुचना अधिकारी एंवम प्रहरी निरिक्षक दिपेश चौधरीले जानकारी दिनुभयो । 

अचानक सल्केको आगो स्थानिय र प्रहरीले लामो समयपछि नियन्त्रणमा ल्याएका हुन् ।