बझाङमा किशोरीलाई जबरजस्ती करणी गरेको आरोपमा ५५ वर्षिय पुरुष पक्राउ

बझाङ : बझाङमा किशोरीलाई जबरजस्ती करणी गरेको आरोपमा एक जना पक्राउ परेका छन् । १७ वर्षीया किशोरीलाई जबरजस्ती करणी गरेको आरोपमा प्रहरीले एक जना ५५ वर्षीय व्यक्तिलाई पक्राउ गरेको हो ।

जिल्ला प्रहरी कार्यालय बझाङका अनुसार जिल्लाको बित्थडचिर गाउँपालिका – १ खुलमहर बस्ने ५५ वर्षिय खड्के बोहराले फागुन ११ गतेका दिन दिउँसोको समयमा पीडित १७ वर्षीया किशारीलाई जबरजस्ती करणी गरेको आरोपमा प्रहरीले बोहरालाई पक्राउ गरेको हो ।

बित्थडचिर गाउँपालिका – ३ पस्याड घाँस काट्ने मेला स्थित गाइगोरु चराउन गएको मौका छोपी बोहराले किशारीलाई मानसिक कमजोरीको फाइदा उठाएर ललाइफकाई र धाक धम्कि सहित जबरजस्ती करणी गरेको किशोरीका अभिभावकले जाहेरी दिएका छन्। जाहेरी दरखास्त दिएको केही समयमै अभियुक्तलाई प्रहरीले नियन्त्रणमा लिएको छ ।

बोहरालाई पक्राउ गरेर आइतबार जिल्ला अदालत बझाङबाट पाँच दिनको म्याद थपेर जबरजस्ती करणी सम्बन्धी कसूरमा अनुसन्धान भइरहेको जिल्ला प्रहरी कार्यालय बझाङका प्रहरी नायब उपरीक्षक डिएसपी भरत शाहले बताए ।