भैरव मावि झोताले गर्‍यो राष्ट्रपति रनिङ शिल्डमा सहभागी खेलाडीहरूलाई सम्मान

केदारस्युँ गाउँपालिका -९ झोतामा अवस्थित भैरव माध्यमिक विद्यालयले १४ औं जिल्ला स्तरीय राष्ट्रपति रनिङ शिल्ड प्रतियोगितामा सहभागी खेलाडीहरूलाई सम्मान गरेको छ । विद्यालयले आज एक कार्यक्रमकाबीच राष्ट्रपति रनिङ शिल्डमा सहभागी खेलाडीलाई सम्मान गरेको हो ।

विद्यालयले १४ औं जिल्ला स्तरीय राष्ट्रपति रनिङ शिल्ड प्रतियोगिता २०८० मा सहभागिता जनाइ विभिन्न विधामा प्रथम, द्वितीय, र तृतीय स्थान हासिल गरेका विद्यार्थीलाई सम्मान गरेको प्रधानाध्यापक शान्ति बोहराले जानकारी दिनुभएको छ । खेलाडीहरूको हौसला अभिवृद्धि गराइ खेल क्षेत्रको विकास गर्नाका लागि खेलाडीलाई सम्मानसहित पुरस्कृत गरिएको छ । 

खेलाडीलाई सम्मान कार्यक्रम विद्यालय व्यवस्थापन समिति अध्यक्ष मदनराज गिरीको अध्यक्षतामा भएको थियोे । उक्त सम्मान कार्यक्रममा विद्यालय व्यवस्थापन समितिका पदाधिकारी, शिक्षक अभिभावकसंगका पदाधिकारी, शिक्षक विद्यार्थीको सहभागीता रहेको थियोे भने, प्रदेशको रनिङ शिल्डमा सहभागी हुने खेलाडीलाई भैरव माध्यमिक विद्यालय झोताले अभिनन्दन तथा शुभकामना प्रदान गरेको छ ।