युवा नेता सिंहले जन्मदिनको अवसरमा फलफूल वितरण गरे

बझाङ : नेकपा एमाले जिल्ला कमिटि बझाङका सदस्य एवं खप्तडछान्ना गाउँपालिका ईन्चार्ज लोकेन्द्र बहादुर सिंहले जन्मदिनको अवसर पारेर बिरामीहरुलाई फलफूल वितरण गर्नुभएको छ । आज आफ्नो जन्मदिनको अवसरमा युवा नेता सिंहले जिल्ला अस्पताल बझाङमा उपचाररत बिरामिहरु र जिल्ला कारागारमा कैद भुक्तान गरिरहेका कैदिबन्दीहरुलाई फलफूल वितरण गर्नुभएको हो । 

जिल्ला अस्पताल बझाङमा उपचारत ३० जना बिरामी र जिल्ला कारागारमा रहेका ७२ जना कैदिबन्दी गरेर १ सय दुई जनालाई फलफूल वितरण गरिएको हो । सिंहले जिल्ला अस्पतालका बिरामिहरुलाई स्वास्थ्य लाभको कामना गर्दै आफ्नो जन्मदिन बिरामीको सेवा गरेर मनाउँदा निकै खुसी लागेको बताउनुभयो । उहाँले हजारौं रकम खर्च गरेर भड्किलो जन्मदिन मनाउनुभन्दा कसैको सेवा र सहयोग गरेर जन्मदिन मनाउनु उत्तम लागेको बताउनुभयो । जन्मदिनको अवसरमा मात्र नभई समस्यामा परेका नागरिकलाई जहिले पनि सहयोग गरी रहने सिंहको भनाई छ। 

फलफूल वितरण कार्यक्रममा जिल्ला अस्पतालमा कार्यरत स्वास्थ्यकर्मी, बिरामी र जिल्ला कारागारका कैदिबन्दीले नेता सिंहलाई जन्मदिनको शुभकामना सहित धन्यवाद दिएका थिए । कार्यक्रममा जयपृथ्वी नगरपालिका वडा नम्बर ११ का वडा अध्यक्ष सर्जन थापा, बझाङ उद्योग वाणिज्य संघका उपाध्यक्ष शंकर रसाइली,  हिक्मत विक, राकेश सिँह लगाएतको लगायतको सहभागिता रहेको थियो ।