महेन्द्रनगरबाट काठमाडौं हिडेको बस कपिलवस्तुमा दुर्घटना, १० जनाको मृत्यु

कपिलबस्तुको शिवराज नगरपालिका १ सुरही खोलामा बस खस्दा १० जनाको घटनास्थलमै मृत्यु भएको छ भने २० जना घाइते भएका छन् । सुरही खोलामा ०२–००१ख–००९८ न.को सुनौलो महाकाली यातायातको यात्रुबाहक बस दुर्घटना भएको हो । 

सशस्त्र प्रहरी बल नेपाल नं.२८ गण कपिलबस्तुमा सशस्त्र प्रहरी उपरिक्षक जीवन केसीका अनुसार महेन्द्रनगरबाट काठमाण्डौ तर्फ जादै गरेको यात्रु बहाक बस सडकबाट २ सय फिट तल खसेको बताउनुभयो । घाइते भएकालाई बुटवल तथा भालुवाङ तर्फ पठाइएको उहाँको भनाई छ ।

उक्त घटना स्थलमा शसस्त्र प्रहरी उपरिक्षक केसी सहित ६० जनाको टोलीद्धारा उद्दार कार्य भइरहेको छ । यद्यपि घटनाको थप विवरण आउन बाँकी छ ।