बझाङमा घरको छतबाट लडेर एक बालक गम्भीर घाइते

बझाङ : बझाङमा घरको छतबाट लडेर एक बालक घाइते भएका छन् । जिल्लाको छबिसपाथिभेरा गाउँपालिका वडा नम्बर २ मुगला घर भई जयपृथ्बी नगरपालिका ९ सिमखेत स्थित कोठा गरी बस्ने भिरु कडायतका ८ बर्षिय छोरा आयुश कडायत घरको छतबाट लडेर घाइते भएका हुन् ।

आज दिउँसो ३ बजेको समयमा घरको छतमा खेल्ने क्रममा भुईमा खसेका कडाएतको आखाँ, मुख, छाति र टाउँकोमा चोट लागेको जिल्ला प्रहरी कार्यालय बझाङका सुचना अधिकारी एवं प्रहरी निरीक्षक दिपेश चौधरीले जानकारी दिए ।

बालकको अवस्था गम्भीर रहेको र अहिले जिल्ला अस्पताल बझाङमा उपचार भईरहेको प्रहरी निरीक्षक चौधरीले बताए ।