अध्यक्ष धामीले विद्यार्थीलाई शैक्षिक सामाग्री वितरण गरेर जन्मदिन मनाए  

बझाङ : नेपाल निजामती कर्मचारी संगठन बझाङका अध्यक्ष दिनेश बहादुर धामीले जालपा आधारभूत विद्यालयका विद्यार्थीहरुलाई शैक्षिक सामाग्री वितरण गर्नुभएको छ । आज आफ्नो जन्मदिनको अवसरमा अध्यक्ष धामीले जयपृथ्वी नगरपालिका वडा नम्बर ९ जोशीगाउँ स्थित जाल्पा आधारभुत विद्यालयका विद्यार्थीहरुलाई शैक्षिक सामाग्री वितरण गर्नुभएको हो ।

आज जालपा आधारभुत विद्यालयका ८१ जना छात्रछात्राहरुलाई कापी, पेन्सिल लगायतका शैक्षिक सामग्री वितरण गरेको धामीले बताउनुभयो । उहाँले जन्मदिनमा अनावश्यक खर्च गर्नुभन्दा उक्त्त शैक्षिक सामाग्रीले विद्यार्थीहरुलाई थोरै भए पनि सहयोग पुग्ने बताउनुभयो ।

हजारौं रकम खर्च गरेर भड्किलो जन्मदिन मनाउनुभन्दा कसैलाई सक्दो सहयोग गरि जन्मदिन मनाउनु उत्तम हुने धामिको भनाई छ । उहाँले हरेक जन्मदिनमा यस्तै रचनात्मक कार्य गर्दै आउनुभएको छ ।