जयपृथ्वी नगरपालिकामा महिलाका लागि तिन महिने निशुल्क सिलाई कटाई तालिम सुरु 

बझाङ : जयपृथ्वी नगरपालिकामा महिलाहरुका लागि तिन महिने निशुल्क सिलाई कटाई तालिम सञ्चालन गरेको छ । जयपृथ्वी नगरपालिका महिला विकास समितिको आयोजनामा तीन महिने सिलाई कटाई तालिमको आज एक कार्यक्रमका बिच उद्धघाटन गरीएको छ ।

तालिममा नगरपालिकाका ११ वटै वडाहरुबाट एक एक जना गरेर ११ जना महिला सहभागि छन् । उनिहरुलाई सिलाई कटाई मेसिन पनि हस्तान्तरण गरीएको महिला विकास समिति अध्यक्ष रमा देवी जोशीले बताउनुभयो । नगरपालिका भित्रका महिलाहरुलाई स्वरोजगार र आत्मनिर्भर बनाउनका लागि आफुहरुले निशुल्क सिलाई कटाई तालिम सञ्चालन गरेको अध्यक्ष जोशीको भनाई छ ।

जयपृथ्वी नगरपालिका महिला विकास समिति अध्यक्ष रमादेवी जोशीको अध्यक्षतामा सञ्चालन भएको उद्धघाटन कार्यक्रममा प्रमुख अतिथी जयपृथ्वी नगरपालिकाका उपप्रमुख रतन बहादुर सिंह रहनुभएको थियो । उद्धघाटन कार्यक्रममा बोल्दै उपप्रमुख सिहँले समाजमा महिलाहरु कमजोर हुनुको प्रमुख कारण उनिहरु आत्मनिर्भर नहुनु रहेको बताउनुभयो ।

उहाँले महिलाहरुलाई विभिन्न सिपमुलक तालिम दिएर आत्मनिर्भर बनाउन सके महिलाहरु हेपिएर बस्नु नपर्ने बताउदै तिन महिने सिलाई कटाइ तालिमबाट सहभागि महिलाहरुलाई जिविकोपार्जनमा सहज हुने बताउनुभयो । यसअघि पनि नगरपालिकाको महिला विकास समितीले सबै वडाका महिलाहरुको लागि निशुल्क लोकसेवा तयारी कक्षा सञ्चालन गरेको थियो ।