जिल्ला स्तरीय राष्ट्रपति रनिङ शिल्ड प्रतियोगिता सुरु

बझाङ जिल्ला स्तरीय राष्ट्रपति रनिङ शिल्ड प्रतियोगिता सुरु भएको छ ।
बुधबार आज केदारस्युँ गाउँपालिका ९ स्थित झोता खेलमैदानमा जिल्ला स्तरीय १४ औं राष्ट्रपति रनिङ शिल्ड प्रतियोगिता सुरु भएको हो ।

जिल्ला खेलकुद समिति अध्यक्ष पुुष्पलाल रोकायाको अध्यक्षतामा सुरु भएको जिल्ला स्तरीय राष्ट्रपति रनिङ शिल्ड प्रतियोगितामा प्रमुख अतिथि सुदुरपश्चिम प्रदेश निवर्तमान सभामुख अर्जुन थापा रहनुभएको थियो । त्यस्तै बिशिष्ठ अतिथिमा संविधान सभा सदस्य शंकर खड्का लगायत रहनुसभएको थियो । त्यस्तै कार्यक्रममा बिशिष्ठ लगायत अन्य अतिथिमा जिल्ला समन्वय समिति प्रमुख उप्रमुुख नगरपालिका , गाउँपालिका अध्यक्ष उपाध्यक्ष , प्रमुख जिल्ला अधिकारी सुरक्षा निकायका प्रमुख तथा प्रतिनिधि, राजनितिज्ञ वडाध्यक्ष पालिकाका स्तरीय खेलकुद समिति पदाधिकारी विभिन्न कार्यालयका प्रमुख प्रतिनिधि जग्गादाता लगाय निवर्तमान जनप्रतिनिधि पत्रकार रहनुुभएको थियो ।
प्रतियोगिता उद्घाटन कार्यक्रममा बोल्ने बक्ताहरुले खेलाडीलाई अनुसासित भएर खेल खेल्न तथा निर्यायकलाई निष्पक्ष भएर निर्यण गर्न अनुरोध गर्नभएको थियो ।

केदारस्युँ गाउँपालिकाको झोता सबै ठाउँको बिच केन्द्रमा प्रतियोगिता हुनुसबैको लागि पायक पर्ने बताउनुभएको थियो । सधै जिल्ला सदरमुकाम चैनपुरमा संचालन हुने रनिङ शिल्ड प्रतियोगिता यो वर्ष पहिलो पटक झोतामा भएको हो ।
जिल्लामा उपयुक्त खेलमैदान नभएपछि झोतामा प्रतियोगिता संचालन गरिएको छ । केदारस्युँ गाउँपालिकाले केही समय अगाडी पालिका स्तरीय रनिङ शिल्ड खेलाउनका लागि भनेर निमार्ण गरेको खेलमैदानमा अहिले जिल्ला स्तरीय प्रतियोगिता संचालन हुँदा गाउँपालिकावासीले खुसी व्यक्त गरेका छन ।

१४ औं राष्ट्रपति रनिङ शिल्ड प्रतियोगितामा १२ वटै स्थानीय तहबाट खेलाडी सहभागि छन ।
उद्घाटन कार्यक्रममा विभिन्न सांस्कृतिक कार्यक्रम पनि देखाइएको थियो ।
आज पहिलो दिन प्रतियोगिताको उद्घाटन मात्रै भएको छ । खेलहरु भोलिदेखि संचालन हुने खेलकुद समितिले जनाएको छ ।