बझाङको थलारामा बाघ आतङ्क, एकैदिनमा स्थानियका ११ बाख्रा मार्‍यो

बझाङ : बझाङमा बाघले आतङ्क मच्चाउन थालेको छ । जिल्लाको थलारा गाउँपालिका– २ मा एकैदिन बाघले ११ वटा बाख्रा मारेको छ । आज शनिबार बिहान ११ बजेको समयमा थलारा गाउँपालिका वडा नम्बर २ का वडा अध्यक्ष तथा कफलकाँडाका स्थानिय रबिन्द्र खातीका ११ वटा बाख्रा बाघले मारेको हो ।

थलारा गाउँपालिका– २ को कालापानि बिसौनाको जङ्गलमा चराउन लगेका बाख्रा बाघले मारेको जिल्ला प्रहरी कार्यालय बझाङका प्रहरी निरीक्षक दिपेश चौधरीले बताउनुभयो । उहाँका अनुसार चराउन लगिएका १८ वटा बाख्रा मध्ये ११ बाघले मारेको छ भने एउटा घाईते र ६ वटा बाख्रा सकुसल रहेका छन् । बाघले ११ बाख्रा मारेपछि उहाँको झन्डै २ लाख रुपैयाँ बराबरको नोक्सानी भएको छ ।