सुदूरपश्चिम

बझाङ सदरमुकाम चैनपुर नजिक मोटरसाइकल दुर्घटना हुँदा दुई जना घाइते

घाईते दुबै जनाको जिल्ला अस्पताल बझाङमा उपचार हुदै

जयपृथ्वी खबर

शनिबार, माघ १३, २०८०

मोटरसाईकल दुर्घटना भएको ठाँउ ।

बझाङ सदरमुकाम चैनपुर नजिक मोटरसाइकल दुर्घटना हुँदा दुई जना घाइते भएका छन् । जयपृथ्वी नगरपालिका वडा नम्बर ४ आम्पाटामा विपरित दिशा बाट आईरहेको ट्याक्टरलाई साईड दिनेक्रममा मोटरसाइकल दुर्घटना भएको हो । दुर्घटना परि जयपृथ्वी नगरपालिका ३ पडेशका २३ वर्षिय चालक शुशिल खड्का र मोटरसाईकल पछाडी सवार सोहि ठाउँका ३६ वर्षिय किशोर खड्का घाइते भएको जिल्ला प्रहरी कार्यालय बझाङले जनाएको छ ।

सदरमुकाम चैनपुरबाट जयपृथ्वी नगरपालिका वडा नम्बर ३ पडेश तर्फ गइरहेको लु ११ प ६४९७ नम्बरको मोटरसाइकलले विपरित दिशा बाट आईरहेको ट्याक्टरलाई साईडदिने बेला सडकबाट करीब १५० मिटर तल सेती नदीमा खसेर दुर्घटना भएको हो । चालक शुशिल खड्काकोे टाउको र शरीरका विभिन्न भागमा तथा किशोर खडकाको अनुहार र खुट्टामा गम्भिर चोट लागेको जिल्ला प्रहरी कार्यालय बझाङका सुचना अधिकारी प्रहरी निरीक्षक दिपेश चौधरीले बताउनुभयो । घाइते दुवै जनाको जिल्ला अस्पताल सिमखेत उपचार भईरहेको छ ।

प्रकाशित मिति: शनिबार, माघ १३, २०८०

प्रतिक्रिया दिनुहोस्

जयपृथ्वी खबर

यो रेडियो जयपृथ्वी एफ.एम. बझाङद्धारा सञ्चालित अनलाइन हो । २०७८ सालको जयपृथ्वी बहादुर सि‌ंहको जन्मजयन्तीको शुभ अवसर पारी स्थापना भएका यो रेडियो तथा अनलान न्युज पोर्टलले ताजा,सन्तुलित र निष्पक्ष समाचार र लेख रचना प्रसारण प्रकाशन गर्दै आएको छ।

थप सुदूरपश्चिम