मोटरसाइकल दुर्घटना हुँदा बझाङका दिपेन्द्र भारतमै अस्ताए  

बझाङ : बझाङका एक युवकको मोटरसाइकल दुर्घटनामा परेर भारतमा ज्यान गएको छ । जिल्लाको खप्तडछान्ना गाउँपालिका वटा नम्बर ६ बयानाका २३ वर्षिय दिपेन्द्र थापाको भारतको पञ्जावमा मोटरसाइकल दुर्घटनामा परेर ज्यान गएको हो । 

बाक्लो हुस्सुका कारण सोमबार साँझ थापाले चलाएको मोटरसाइकल रुखमा ठोक्किएर घटनास्थलमै ज्यान गएको उनका आफन्त ईश्वर थापाले बताए । मृतक थापा गएको मंसिरमा मात्रै भारतको पञ्जाव पुगेका थिए ।

उनको परिवार लामो समयदेखि रोजगारीको शिलशिलामा भारतमै बस्दै आएको थियो ।