दुर्गाथली गाउँपालिका भित्रका गर्भवती महिलालाई उपाध्यक्ष कोसेली वितरण

जिल्लाको दुर्गाथलि गाउँपालिकाले सुनौला हजार दिनका आमालाइ पोषणयुक्त खानेकुरा र ब्लाङकेट वितरण गरेकोछ ।

पालिका भीत्रका सुनौला हजार दिनका गर्भवती महिलाहरुलाई उपाध्यक्ष कोसेली अन्तरगत पोषणयुक्त खानेकुरा दाल फलफुल सहित चिसोको समयमा न्यानो बनाउन मद्धत पुर्याउने भन्दै ब्लाङकेट बितरण गरेको हो ।

आज सोमबार दुर्गाथलि गाउँपालिकाको वडा नं १ र २ कार्यक्रम गरी गाउँपालिकामा रहेका सुनौला हजार दिनका आमाहरुलाई उपाध्यक्ष कोसेली कार्यक्रमअन्तर्गत पोषणयुक्त खानेकुरा र बलाङकेट बितरण गरेकादुर्गाथलि गाउँपालिकाका स्वास्थ्य शाखा प्रमुख बम बहादुर भण्डारीले बताउनुभयो ।

गाँउपालिका उपाध्यक्ष जनक बहादुर दौल्यालको नेतृत्वमा मंसिर २० गतेबाट सुनौला हजार दिनका आमाहरुलाई उपाध्यक्ष कोसेली कार्यक्रम सुरु गरी गाउँपालिका भित्रका सातै वडामा रहेका सुनौला हजार दिनका आमाहरुको घरघरमा गएर ४ सय ५ जना गर्भवति महिलाहरुलाई कोसेली वितरण गरिएको स्वस्थ्य साखा प्रमुख भण्डारीले बताउनुभयो ।