बझाङमा बिहानै भूकम्प गयो

बझाङ बझाङमा आइतबार बिहानै भूकम्प गएको छ । बिहान ६ बजेर ४५ मिनेट जाँदा भूकम्प गएको हो । राष्ट्रिय भूकम्प मापन तथा अनुसन्धान केन्द्रका अनुसार ३.४ म्याग्निच्युडको भूकम्प गएको हो । यसअघि पुस २ गते बाजुराको कोल्टी केन्द्रविन्दु बनाएर ३.५ म्याग्नीच्युडको भूकम्प जाँदा बझाङमा यसको धक्का महसुस गरिएको थियो । 

बझाङ लगायत पश्चिम नेपालका जिल्लाहरुमा गत असोज १६ गते गएको भुकम्पपछि निरन्तर पराकम्प गइरहेका छन् ।बेला बेला भुकम्पको पराकम्प आउनथालेपछि स्थानीयहरु त्रसित भएका छन ।