सुख्खा पहिरो खस्दा जयपृथ्वी राजमार्ग बिहानैदेखि अवरुद्ध

सुख्खा पहिरो खस्दा जयपृथ्वी राजमार्गको बागथला चैनपुर सडकखण्ड फेरी अवरुद्ध भएको छ । शुक्रबार राती सुचारु भएको राजमार्ग बिहानै देखि सुख्खा पहिरो खस्न थालेपछि जयपृथ्वी राजमार्गको बागथला चैनपुर सडकखण्डको नारुगौडामा फेरी अवरुद्ध भएको हो। सडक अवरुद्ध भएपछि जिल्लाबाट बाहिरी जाने तथा जिल्लामा भित्रीने सवारी साधन नारुगौडामै रोकिएका छन् । बिहानै देखि सडक अवरुद्ध हुँदा यात्रु अलपत्र परेका छन् । 

सुख्खा पहिरो खस्नेक्रम नरोकिएको र पहिरो गईरहने भएकाले जेसीवी संचालन गर्न जोखिम रहेपनि अवरुद्ध सडक खुलाउने प्रयास भइरहेको जिल्ला प्रहरी कार्यालय बझाङका सुचना अधिकारी प्रहरी निरिक्षक दिपेश चौधरीले जानकारी दिनुभयो । शुक्रबार विहान केदारस्युँ गाउँपालिका वडा नं १ अन्तर्गत नारुगौडामा  सडक माथी बाट सुख्खा पहिरो खसेपछि दिनभर राजमार्ग अवरुद्ध भएको थियो । दिनभरि अवरुद्ध बनेको राजमार्ग खुलाउने प्रयास भएपनि पहिरो खस्नेक्रम नरोकिए पछि राती अबेर सुचारु भएको थियो ।