विषादी सेवनका कारण बझाङमा एक युवककाे ज्यान गयो  

बझाङ सदरमुकाम चैनपुरमा एक युवकले विषादी सेवन गर्दा ज्यान गएको छ । मष्टा गाउँपालीका वडा नं ४ घर भई हाल सदरमुकाम चैनपुरमा डेरा गरि बस्ने २२ बर्षिया कलक कठायतको बिषादी सेवनका कारण मृत्यु भएको छ । कठायतको मुसामार्ने बिषादी सेवन बाट मृत्यु भएको प्रहरीले जनाएको छ । आईतबार साँझ साढे आठ बजे तिरि आफ्नै कोठामा मृत अवस्थामा भेटिएपछि मृतकका दाई सुशिल कठायतले प्रहरीलाई खबर गरेका थिए ।

खबर पाए लगत्तै जिल्ला प्रहरी कार्यालय बझाङका सुचना अधिकारी प्रहरी निरिक्षक दिपेश चौधरी नेतृत्वको टोली घटनास्थल पुगेको थियो । मृतक कठायतको शव नजिक कमान्डो जिङ्क र जी सुनामी लेखेको बिषादीको खाली बट्टा भेटिएको सुचना अधिकारी प्रहरी निरिक्षक दिपेश चौधरीले जानकारी दिनुभयो । बिषादी सेवनको कारण खुल्न नसकेको र घटनाबारे थप अनुसन्धान भैरहेको बझाङ प्रहरीले जनाएको छ ।