शिक्षक सेवा आयोगले माध्यमिक तह शिक्षक पदका लागि विज्ञापन खोल्यो

शिक्षक सेवा आयोगले माध्यमिक तहको, तृतीय श्रेणी शिक्षक पदका लागि दरखास्त आह्वान गरेको छ । गतबर्षको विज्ञापनबाट छनोट भई सिफारिस भएका शिक्षकहरुको पदस्थापना सकिए लगत्तै आयोगले यसबर्षका लागी विज्ञापन गरेको हो । शनिबार एक सूचना जारी गर्दै सामुदायिक विद्यालयको माध्यमिक तह, तृतीय श्रेणी, शिक्षक पदमा खुला तथा समावेशी प्रतियोगितात्मक परीक्षाबाट स्थायी पदपूर्ति गर्न दरखास्त आह्वान गरिएको हो । 

माध्यामिक तहको विज्ञापन प्रदेशगत रुपमा खोलिने गरिएको छ । आवश्यक न्यूनतम शैक्षिक योग्यता पुगेका इच्छुक व्यक्तिले आईतबार देखि अनलाइन प्रणालीबाट दरखास्त पेस गर्न सकिने सूचनामा उल्लेख गरिएको छ । विज्ञापनको विस्तृत विवरण आयोगको वेबसाइटमा राखिएको सूचनामा उल्लेख छ ।