त्रिभुवन प्राथमिक विद्यालय पिखेतको विद्यालय व्यवस्थापन समितिको अध्यक्षमा पत्रकार रोकाया 

पत्रकार महासंघ बझाङका निवर्तमान अध्यक्ष जगदिश रोकाया त्रिभुवन प्राथमिक विद्यालयको विद्यालय व्यवस्थापन समिति अध्यक्षमा चयन भएका छन । थलारा गाउँपालिका वडा नं ६ पिखेतमा रहेको त्रिभुवन प्राथमिक विद्यालयको अभिभावक भेलाले रोकायालाई सर्वसम्मतले अध्यक्षमा चयन गरेका हुन । आज बसेको अभिभावकहरुको भेलाले दिल बहादुर रोकाया, तेज रोकाया, काली देवी रोकाया, तुलछि देवी रोकाया, हिमा बिष्टलाई सदस्यमा चयन गरेका छन । 
रोकायाले विद्यालय शिक्षाको सुरुवात सोहि विद्यालयबाट गरेका थिए ।

अध्यक्षमा निर्वाचित भएपछि अध्यक्ष जगदिश रोकायाले पत्रकारिता क्षेत्रबाट जिल्लाको शैक्षिक अवस्थाको बारेमा नजिक बाट नियाल्न पाएकाले विद्यालयको शैक्षिक सुधारका लागी सबै संग हातेमालो गरेर अघि बढने बताउनु भयो । विद्यार्थीको गुुणस्तरिय शिक्षाका लागी आफुले अभिभावकका माझमा छलफल गर्ने बताउदै आजका बालबालीका भोलीको समाज सुधारका सम्वाहक भएकाले गुुणस्तरिय शिक्षानै सामाजिक रुपान्तरणको आधार भएको बताउनु भयो ।