छबिसपाथीभेराका दुई बालकले अभिभावक र प्रहरीलाई झुक्याए, कुटपिट गरी पेट्रोल फाली जलाएको खबर झुटो

बझाङको छबिसपाथीभेरा गाउँपालिकाका दुई बालकले आप्नना अभिभावकलाई झुक्याएका छन । भाडे बजार बाट १० लिटर पेट्रोल किनेर घर जाने बेला दुबै जनाले आफुहरुलाई कुटपिट गरी पेट्रोल फाली जलाएको खबर अभिभावकलाई सुनाए । कुटपिट गरी पेट्रोल फाली जलाएको खबर अभिभावकले पाएपछि स्थानिय प्रहरी चौकिमा गइ घटना बारे जानकारी गराएका थिए । तर प्रहरीको प्रारम्भिक अनुसन्धानले बालकहरुले झुटो बाेलेको खुलेको छ ।

यस अघि छबिसपाथीभेरा गाउपालिकामा पेट्रोल किनेर घर जादै गर्दा अज्ञात समुहले कुटपिट गरि पेट्रोल फालिएको खबर फैलिएको थियो । छबिसपाथीभेरा गाउपालिका वडा नं ५ थलारा का १६ बर्षिया सरोज जाग्री र १३ बर्षिया राजन जाग्रीलाइ कुटपिट गरेको खबर प्रहरीमा पुगेको थियो । भाडे बजार बाट १० लिटर पेट्रोल किनेर घर जाने बेला दुबै जनाले सुरुवातमा पेट्रोल कस्तो छ भनि चाख्न खोजेको र पछि आगो लगाएर पेट्रोल सकिए पछि दुबै जनाले घरमा झुटो खबर सुनाउएको प्रहरीको प्रारम्भीक अनुसन्धान बाट खुलेको छ ।

प्रारम्भीक अनुसन्धानका क्रममा दुबै जनाले पेट्रोल जलाएर नष्ट गरेपछि अभिभावक रिसाउने र गाली गर्ने डरले झटो खबर फैलाएको जिल्ला प्रहरी कार्यालय बझाङका सुचना अधिकारी दिपेश चौधरीले जानकारी दिनुभयो । अहिले दुबै जनालाई नियन्त्रणमा लिई अनुसन्धान भईरहेको प्रहरीले जनाएको छ ।