बझाङमा एक गर्भवती महिलाको हेलिकोप्टर मार्फत उद्धार 

बझाङ : बझाङमा एक गर्भवती महिलाको हेलिकोप्टर मार्फत उद्धार गरिएको छ । जिल्लाको जयपृथ्वी नगरपालिका वडा नम्बर ११ बस्ने धनबहादुर थापाको श्रीमती ३२  वर्षिया सुनिता थापाको आज सोमबार हेलिकोप्टर मार्फत उद्धार गरिएको हो । 

हिजो आइतबारदेखि उहाँलाई सुत्केरी बेथा लागेर अत्याधिक रक्तश्राप भएपछि आज बिहान ११ बजे नेपाली सेनाको  हेलिकोप्टर मार्फत सुर्खेत लगिएको बझाङ प्रहरी प्रमुख एंव डिएसपि भरत शाहले जानकारी दिनुभयो ।

अहिले उहाँको स्वास्थ्य अवस्था सामान्य रहेको र अस्पताल लगिएको वडाध्यक्ष सर्जन बहादुर थापाले बताउनुभयो । थापाको घरमा दुई छोरी रहेका छन् ।