सुदूरपश्चिम

जन्मदिनको अवसरमा वडाध्यक्षले मिश्रले गरे विद्यार्थीलाई आर्थिक सहयोग

जयपृथ्वी खबर

सोमबार, पुस २, २०८०

जन्मदिनको अवसरमा वडाध्यक्षले मिश्रले गरे विद्यार्थीलाई आर्थिक सहयोग

दुर्गाथली गाउँपालिका वडा नम्बर २ का वडाध्यक्ष धनराज मिश्र र महालिङ आधारभूत विद्यालय जुजी जौनारका विद्यार्थी तथा शिक्षकहरु

दुर्गाथली गाउँपालिका वडा नम्बर २ का वडाध्यक्ष धनराज मिश्रले आफ्नो जन्मदिनको अवसरमा आइतबार गरिब तथा बिपन्न विद्यार्थीहरुलाई आर्थिक सहयोग गर्नुभएको छ ।

वडाध्यक्ष मिश्रले आइतबार पर्न गएको आफ्नो जन्मदिनको अवसरमा दुर्गाथली २ मा रहेको महालिङ आधारभूत विद्यालय जुजी जौनारका विद्यार्थीका लागि १० हजार ५० रुपैयाँ नगद विद्यालयलाई हस्तान्तरण गर्नुभएको हो ।

उहाँले महालिङ आधारभूत विद्यालयलाई वडाकै नमुना विद्यालय बनाउन आफू लागि परेकाले हरेक दृष्ट्रिकोणबाट सहयोग गर्दै आएको बताउनुभयो ।

उहाँले दिएको रकम महालिङ आधारभूत विद्यालयमा अध्ययनरत गरिब तथा बिपन्न विद्यार्थीलाई वितरण गरिने विद्यालयका शिक्षक सत्य रावलले बताउनुभयो । बिद्यालय परिवारले पनि वडा अध्यक्ष मिश्रलाई विद्यालयमै बोलाएर जन्म दिन मनाएको छ ।

प्रकाशित मिति: सोमबार, पुस २, २०८०

प्रतिक्रिया दिनुहोस्

जयपृथ्वी खबर

यो रेडियो जयपृथ्वी एफ.एम. बझाङद्धारा सञ्चालित अनलाइन हो । २०७८ सालको जयपृथ्वी बहादुर सि‌ंहको जन्मजयन्तीको शुभ अवसर पारी स्थापना भएका यो रेडियो तथा अनलान न्युज पोर्टलले ताजा,सन्तुलित र निष्पक्ष समाचार र लेख रचना प्रसारण प्रकाशन गर्दै आएको छ।

थप सुदूरपश्चिम