बझाङमा विहानै भूकम्पको धक्का महसुस

आज विहानै बझाङमा भूकम्पको धक्का महसुस गरिएको छ । बिहान ६ बजेर ५२ मिनेट जाँदा बाजुराको कोल्टी केन्द्रविन्दु बनाएर  ३.५ म्याग्नीच्युडको भूकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ। जसकाे धक्का बझाङमा पनि महसुस गरिएको छ । 

बझाङ लगायत पश्चिम नेपालका जिल्लाहरुमा गत असोज १६ गते गएको भुकम्पपछि निरन्तर पराकम्प गइरहेका छन् ।बेला बेला भुकम्पको पराकम्प आउनथालेपछि स्थानीयहरु त्रसित भएका छन । भूकम्पका कारण घरबारविहीन भएको बझाङका भूकम्पपीडितहरु त्रिपाल मुनि बसिरहेका छन ।  पालमा बस्नुपर्ने बाध्यताले विशेषगरी वृद्धवृद्धा र बालबालिका चिसोबाट प्रभावित भएका छन्।