बझाङमा जन्ती बोकेको जिप दुर्घटना, दुई जना घाइते

बझाङ: बझाङमा जन्ती बोकेको जिप दुर्घटना भएको छ । शुक्रबार दिउसो छविसपाथीभेरा गाँउपालिकाबाट जन्ती लिई सुर्मा गाँउपालिका फकिदै गरेको १६ जना सवार सु.प.प्र०४००१ ज ००१९ नम्बरको जिप दुर्घटनामा परेको हो । जिप छविसपाथीभेरा गाँउपालिका वडा नं ५ खतेडाकमा अनियन्त्रित भएर दुर्घटनामा परेको हो । कच्ची सडक र क्षमता भन्दा बढी यात्रु बोकेका कारण अनियन्त्रीत भई पल्टेको हुन सक्ने जिल्ला प्रहरी कार्यालय बझाङका प्रवक्ता प्रहरी निरीक्षक दिपेश चौधरीले जानकारी दिनुभयो ।

घाइते हुनेमा सुर्मा गाँउपालिका ५ का ३० बर्षिया खगेन्द्र जेठारा र सोहि ठाँउका १७ बर्षिया समु बोहरा  रहेका छन् । जेठाराको टाउकोमा चोट लागेर बेहोस अवस्थामा रहेका छन भने बोहराको हात र खुट्टामा चोट लागेको छ । घाईतेहरुको जिल्ला अस्पताल सिमखेतमा उपचार भईरहेको र अन्यको अवस्था सकुसल रहेको र घटना बारे थप अनुसन्धान भईरहेको बझाङ प्रहरीले जनाएको छ ।