सुर्मा चौगाउँ च्याम्पियन क्रीकेट प्रतियोगिता : आयोजक साइनस्टार युवा क्लब फाइनल प्रवेश

शुभदिपावलीको अवषर पारि सुर्मा गाउपालिका ५ धौल्देउ माविको प्राङ्गणमा जारी सुर्मा चौगाउँ च्याम्पियन क्रिकेट प्रतियोगिता अन्तर्गत आज एउटा सेमिफाइनल खेल सम्पन्न भएको छ ।

आज सेमिफाइनल चरणका दुईवटा खेल सम्पन्न गर्ने उदेश्यसहित खेलाइ पनि समय अभावले एउटा मात्रै खेल खेलाइएको छ । आज आयोजक साइनस्टार युवा क्लब सुर्मा ५ र नेक्सस युवा क्लब सुुर्मा १ बीच भएको १० ओभरको खेलमा आयोजक साइनस्टार युवा क्लबले टस जितेर फिल्डिङ् रोजेको थियो । निर्धारित १० ओभरमा ९६ रनको लक्ष्य दिएको नेक्सस युवा क्लब सुुर्मा १ लाई साइनस्टार युवा क्लब सुर्मा ५ ले ३४ रनले पराजित गरेको आयोजक साइनस्टार युवा क्लबका अध्यक्ष जनक जेठाराले बताउनुभयो ।

उहाँका अनुसार यो जितसँगै आयोजक साइनस्टार युवा क्लब सुर्मा ५ फाइनल प्रवेश गरेको छ । उसले भोलीको सेमिफाइनल बिजेता टिमसँग फाइनल खेल खेल्नेछ ।

भोली हरिचन्द्र स्मृति युवा क्लब सुर्मा ४ र समाजसुधार युवा क्लब दौलीचौर सुर्मा १ बीच सेमिफाइनल खेल हुनेछ भने यी टिमको बिजेताले साइनस्टार युवा क्लब सुर्मा ५ सँगै फाइनल खेल्ने आयोजकले जनाएको छ । यही कात्तिक २४ गतेबाट सुरु भएको सुर्मा चौगाउ च्याम्पियन क्रीकेट प्रतियोगितामा २० टिम सहभागी रहेका भए पनि १९ टिम समुह चरणबाटै बाहिरिसकेका छन् ।