नेभिगेशन
खेल

इंग्ल्यान्डको च्याम्पियन्स ट्रफी खेल्ने सम्भावना बढ्यो, नेदरल्यान्ड्स सम्भावना समाप्त

इंग्ल्यान्डले आइसिसी विश्वकप २०२३ मा नेदरल्यान्ड्समाथि १ सय ६० रनको फराकिलो जित हात पार्दै २०२५ को च्याम्पियन्स ट्रफी खेल्ने सम्भावना बढाएको छ । यो हारसँगै नेदरल्यान्ड्सको विश्वकपमा सेमिफाइनल खेल्ने सम्भावना समाप्त भएको छ ।

जितको लागि ३ सय ४० रनको विशाल विजयी लक्ष्य पछ्याएको नेदरल्यान्ड्स ३७.२ ओभरमा १ सय ७९ रनमा अल आउट भयो । नेदरल्यान्ड्सका तेजा निडामानुरुले ३४ बलमा २ चौका र ३ छक्कासहित सर्वाधिक ४१ रन बनाए ।

ओपनर वेस्ली ब्यारेसी ६२ बलमा ३ चौका र १ छक्कासहित ३७, म्याक्स ओडाउड ५, कोलिन एकरम्यान शून्य, बास डि लिड १०, स्कट एडवार्ड्स ३८ र साइब्रांड एंगेलब्रेक्ट ३३ रनमा आउट भए ।

इंग्ल्यान्डका आदिल राशिदले ८ ओभरमा ५४ रन खर्चेर ३ विकेट लिए । मोईन अलीले ८.२ ओभरमा ४२ रन खर्चेर ३ विकेट लिए । डेविड विल्लीले दुई र क्रिस वोक्सले एक विकेट लिए ।

त्यसअघि पुणेमा टस जितेर पहिला ब्याटिङको रोजेको इंग्ल्यान्डले निर्धारित ५० ओभरमा ९ विकेट गुमाउँदै ३ सय ३९ रन बनाएको थियो । इंग्ल्यान्डको जितमा बेन स्टोक्सले ८४ बलमा ६ चौका र ६ छक्कासहित सर्वाधिक १ सय ८ रनको शतकीय इनिङ खेले ।


सातौं विकेटका लागि स्टोक्स र क्रिस वोक्सले ८१ बलमा १ सय २९ रनको शतकीय साझेदारी गरेका थिए । वोक्स ४५ बलमा ५ चौका र १ छक्कासहित ५१ रनमा आउट भए ।

ओपनर डेविड मलान ७४ बलमा १० चौका र २ छक्कासहित ८७ रनमा रन आउट भए । ओपनर जोनी बेयरस्टो १५, जो रुट २८, ह्यारी ब्रुक ११, जस बटलर ५ र मोईन अली ४ रनमा आउट भए ।

नेदरल्यान्ड्सका बास डि लिडले १० ओभरमा ७४ रन खर्चेर ३ विकेट लिए । अर्यान दत्तले १० ओभरमा ६७ रन खर्चेर २ विकेट लिए । लोगन भान बिकले १० ओभरमा ८८ रन खर्चेर २ विकेट लिए । पल भान मार्केनले एक विकेट लिए ।

इंग्ल्यान्ड ८ खेलमा २ मा जित र ६ मा हारसहित सातौं स्थानमा छ । बंगलादेश ८ खेलमा ४ अंकका साथ आठौं स्थानमा छ । श्रीलंका र नेदरल्यान्ड्स पनि ४-४ अंक भएपनि नवौं र पुछारमा छन् ।

सन् २०२५ मा पाकिस्तानमा हुने च्याम्पियन्स ट्रफी यस विश्वकपका पाकिस्तान बाहेक शीर्ष ७ टोलीले खेल्न पाउनेछन् । अव इंग्ल्यान्ड, बंगलादेश, श्रीलंका र नेदरल्यान्ड्स मध्य दुई टोलीले खेल्न पाउनेछन् । सबै टोलीले समान एक खेल खेल्न बाँकी छ । यो जितले इंग्ल्यान्डको नेटरनरेटमा सुधार भएको हुँदा सम्भावना बढेको हो ।

प्रकाशित मिति:
प्रतिक्रिया दिनुहोस्

यो रेडियो जयपृथ्वी एफ.एम. बझाङद्धारा सञ्चालित अनलाइन हो । २०७८ सालको जयपृथ्वी बहादुर सि‌ंहको जन्मजयन्तीको शुभ अवसर पारी स्थापना भएका यो रेडियो तथा अनलान न्युज पोर्टलले ताजा,सन्तुलित र निष्पक्ष समाचार र लेख रचना प्रसारण प्रकाशन गर्दै आएको छ।

थप खेल
५३ जनाले चैनपुरमै पाए एथलेटिक्स प्रशिक्षक प्रशिक्षण तथा रेफ्री तालिम

५३ जनाले चैनपुरमै पाए एथलेटिक्स प्रशिक्षक प्रशिक्षण तथा रेफ्री तालिम

"राष्ट्रका लागि खेलकुद, स्वास्थ्यका लागि खेलकुद" भन्ने मूल नाराका साथ आयोजित एथलेटिक्स प्रशिक्षक प्रशिक्षण तथा रेफ्री तालिम बझाङमा सम्पन्न भएको छ।
सुदूरपश्चिम रोयल्सको ट्यालेन्ट हन्टमार्फत ‘आइकनिक प्लेयर’ बने बसन्त कार्की

सुदूरपश्चिम रोयल्सको ट्यालेन्ट हन्टमार्फत ‘आइकनिक प्लेयर’ बने बसन्त कार्की

नेपाल प्रिमियर लिग (एनपिएल) को फ्रेन्चाइज सुदूरपश्चिम रोयल्सले ट्यालेन्ट हन्टमार्फत आइकनिक खेलाडी छनौट गरेको छ ।
नेपालले अमेरिकासँगको खेलमा ३ विकेटले पराजय भोग्नुका मुख्य कारणहरू

नेपालले अमेरिकासँगको खेलमा ३ विकेटले पराजय भोग्नुका मुख्य कारणहरू

नेपालले आईसीसी विश्वकप लिग-२ मा अमेरिकासँगको खेलमा ३ विकेटले पराजय भोग्नुका मुख्य कारणहरू खेलको विभिन्न पक्षहरूसँग सम्बन्धित छन्।
अमेरिकाको घरेलु मैदानमा नेपालको धमाका : पहिलो टी–२० खेलमा नेपालले अमेरिकालाई १७ रनले हरायो

अमेरिकाको घरेलु मैदानमा नेपालको धमाका : पहिलो टी–२० खेलमा नेपालले अमेरिकालाई १७ रनले हरायो

पहिलो टी–२० खेलमा घरेलु टोली अमेरिकालाई नेपालले १७ रनले हराएको छ । नेपालले दिएको एक सय ६५ रनको लक्ष्य पछ्याएको अमेरिकाले निर्धारित २० ओभरमा सात विकेट गुमाएर एक...
भर्खरै