नेभिगेशन
खेल

सकियो सुर्मादेवी मेला, भलिबलमा पुरुष तर्फ छबिस र महिला तर्फ बित्थडचिर प्रथम (फोटो फिचर)

सुर्मादेवी मेलाको अवसरमा नेपाल खेलकुद महासंघ जिल्ला कमिटी बझाङले आयोजनामा गरेको महिला पुरुष भलिबल प्रतियोगितामा आज सकिएको छ ।

सुर्मादेवी मन्दिर पछाडी पाँच दिनसम्म चलेको भलिबल प्रतियोगीतामा आज फाइनल चरणका तीनवटा खेलहरु सम्पन्न भएसँगै आज प्रतियोगीताको औपचारिक रुपमा समापन गरिएको हो । यस वर्ष भलिबल प्रतियोगीतामा पुरुष तर्फ प्रथम स्थान छबिसपाथिभेरा गाउँपालिकाले हात पारेको छ । उसले जीतसँगै नगद एक लाख एक हजार एक सय एघार रुपैंयाँसँगै ट्रफी, मेडल र प्रमाणपत्र पनि हात पारेको छ । 

दोस्रो स्थान उपबिजेता थलारा गाउँपालिकाले हात पारेको छ । उसले पनि रु ५५ हजार ५ सय ५५ रुपैँयासँगै ट्रफि, मेडल र प्रमाण पत्र हात पारेको छ ।

यस्तै तेस्रो स्थान हात पारेको जयपृथ्वी नगरपालिकाले पनि रु ३३ हजार ३ सय ३३ सँगै ट्रफी, मेडल र प्रमाणपत्र हात पारेको छ । प्रथम बिजेता छबिसले बेष्ट अफ फाइभ अन्तर्गत थलारा गाउँपालिकासँग रोचक प्रतिस्पर्धा गर्दै तीनवटै सेट हात पारेको थियो । उपबिजेता थलाराले पनि छबिसलाई दबाबमा राख्दै प्रथम स्थान सुरक्षित गर्न चाहन्थ्यो तर हरेक सेटको अन्तिमतिर उ झुक्किन असफल भयो । यस्तै तेस्रो स्थानका लागि भिडेका जयपृथ्वी नगरपालिका र बिक्युब युथ क्लब छबिसपाथिभेराले पनि दर्शकहरुलाई निकै मनोरञ्जन दिएका थिए । 

महिला तर्फको प्रतियोगीतामा राष्ट्रिय खेलाडी गरिमा बोहरा नेतृत्वको बित्थडचिर गाउँपालिकाले प्रियङ्का भण्डारी नेतृत्वको छबिसपाथिभेरा गाउँपालिकालाई पराजित गर्दै प्रथम उपाधि हात पारेको छ । जितसँगै बित्थडचिर गाउँपालिकाले रु ४४ हजार ४ सय ४४ रुपैँयासहित ट्रफी मेडल र प्रमाणपत्र हात पारेको छ भने बित्थडचिरसँग हार व्यहोरेर दोस्रो स्थानमा चित्त बुझाउन सफल छबिसपाथिभेरा गाउँपालिकाले रु २५ हजार ५ सय ५५ नगद रकमसहित ट्रफी मेडल र प्रमाणपत्र हात पारेको छ । 

जयपृथ्वी नगरपालिकाले हिजै मष्टा गाउँपालिकालाई पराजित गरि तेस्रो स्थान कब्जा गरेको थियो । उसले रु १६ हजार ६ सय ६६ रुपैँयासहित ट्रफि मेडल र प्रमाणपत्र हात पारेको छ । साथै यस प्रतियोगीतामा महिला तर्फ उदयमान खेलाडीका रुपमा जयपृथ्वी नगरपालिकाको टिमबाट खेल्ने सुजाता विष्ट, सर्वोत्कृष्ट खेलाडीमा बित्थडचिरकी टिम कप्तान गरिमा बोहरा र अनुसासित खेलाडीमा छबिसपाथिभेराकी टिम कप्तान प्रियङ्का भण्डारी र पुरुष तर्फ सर्वोत्कृष्ट खेलाडी छबिसपाथिभेराका अनिल सिंह, उदयमान खेलाडी बित्थडचिर गाउँपालिकाको टिमबाट खेलेका सुनिल धामीलाई र अनुसासनमा जयपृथ्वीका खेलाडी राजन सिंहलाई पुरस्कार प्रदान गरिएको छ । 

प्रकाशित मिति:
प्रतिक्रिया दिनुहोस्

प्रताप ओली जयपृथ्वी एफएम ९६.३ मेगाहर्ज बझाङका संस्थापक अध्यक्ष हुन् । उनी विगत १० वर्षदेखि बझाङबाट समसामयिक विषयमा कलम चलाउँदै आएका छन् । 

थप खेल
५३ जनाले चैनपुरमै पाए एथलेटिक्स प्रशिक्षक प्रशिक्षण तथा रेफ्री तालिम

५३ जनाले चैनपुरमै पाए एथलेटिक्स प्रशिक्षक प्रशिक्षण तथा रेफ्री तालिम

"राष्ट्रका लागि खेलकुद, स्वास्थ्यका लागि खेलकुद" भन्ने मूल नाराका साथ आयोजित एथलेटिक्स प्रशिक्षक प्रशिक्षण तथा रेफ्री तालिम बझाङमा सम्पन्न भएको छ।
सुदूरपश्चिम रोयल्सको ट्यालेन्ट हन्टमार्फत ‘आइकनिक प्लेयर’ बने बसन्त कार्की

सुदूरपश्चिम रोयल्सको ट्यालेन्ट हन्टमार्फत ‘आइकनिक प्लेयर’ बने बसन्त कार्की

नेपाल प्रिमियर लिग (एनपिएल) को फ्रेन्चाइज सुदूरपश्चिम रोयल्सले ट्यालेन्ट हन्टमार्फत आइकनिक खेलाडी छनौट गरेको छ ।
नेपालले अमेरिकासँगको खेलमा ३ विकेटले पराजय भोग्नुका मुख्य कारणहरू

नेपालले अमेरिकासँगको खेलमा ३ विकेटले पराजय भोग्नुका मुख्य कारणहरू

नेपालले आईसीसी विश्वकप लिग-२ मा अमेरिकासँगको खेलमा ३ विकेटले पराजय भोग्नुका मुख्य कारणहरू खेलको विभिन्न पक्षहरूसँग सम्बन्धित छन्।
अमेरिकाको घरेलु मैदानमा नेपालको धमाका : पहिलो टी–२० खेलमा नेपालले अमेरिकालाई १७ रनले हरायो

अमेरिकाको घरेलु मैदानमा नेपालको धमाका : पहिलो टी–२० खेलमा नेपालले अमेरिकालाई १७ रनले हरायो

पहिलो टी–२० खेलमा घरेलु टोली अमेरिकालाई नेपालले १७ रनले हराएको छ । नेपालले दिएको एक सय ६५ रनको लक्ष्य पछ्याएको अमेरिकाले निर्धारित २० ओभरमा सात विकेट गुमाएर एक...
भर्खरै