केदारस्युँको लोतुमा नेपाल टेलिकमको टावर निमार्ण कार्य सुरु 

बझाङ : बझाङको केदारस्युँ गाउँपालिकामा नेपाल टेलिकमले टावर निमार्ण गर्ने थालेको छ । केदारस्युँ गाउँपालिका वडा नम्बर ८ लोतुमा स्थानीय सरकारको आग्रहमा नेपाल टेलिकमले टावर निमार्ण कार्य सुरु भएको केदारस्युँ गाउँपालिका वडा नम्बर ८ का वडाध्यक्ष्य सुरेश जेठाराले जानकारी दिनुभयो।

लोतुमा नेपाल टेलिकमको टावर निर्माणकार्य थालेपछि यहाँका सेवाग्राही हर्षित भएका छन् । लोतुमा निर्माण भएको टावरले केदारस्यु गाउँपालिकाको वडा नम्बर ७ र ८  त्यसैगरी दुर्गाथली गाउँपालिकाका केहि ठाउँ सम्मका नागरिकले सेवा पाउने भएका छन् ।

बादल लागेको बेला र बर्सायाममा टावरले खासै काम नगर्दा हैरान यहाँका नागरिक नेपाल टेलिकमको टावर निर्माण भए पछि उक्त समस्या हट्नेमा ढुक्क भएका छन् । आजबाट टावर निर्माणको काम सुरु भइसकेकाले मंसिरसम्म टावर निमार्ण कार्य सम्पन्न हुने वडाध्यक्ष जेठाराको भनाई छ ।