सुदूरपश्चिम

बैतडीको डिलाशैनी गाउँपालिकाका पूर्व अध्यक्ष बोहराको निधन

जयपृथ्वी खबर

बिहीबार, कात्तिक ९, २०८०

बैतडीको डिलाशैनी गाउँपालिकाका पूर्व अध्यक्ष बोहराको निधन

बैतडीः बैतडीका एक पूर्व अध्यक्षको निधन भएको छ। जिल्लाको डिलाशैनी गाउँपालिकाका पूर्व अध्यक्ष उकेन्द्रबहादुर बोहराको निधन भएको हो। सेती प्रादेशिक अस्पतालमा उपचारको क्रममा उनको बिहीबार बिहान निधन भएको उनका भाइ भोजबहादुर बोहराले बताए।

डिलाशैनी गाउँपालिका वडा नम्बर-३ घर भएका ४५ वर्षीय बोहराको असोज २९ गते स्वास्थ्यमा समस्या आएपछि डडेल्धुरा हुँदै सेती प्रादेशिक अस्पताल ल्याइएको थियो। उनी गएको ३ वर्ष यता क्षयरोगबाट पीडित रहेका थिए।

नेकपा एमाले बैतडीको सचिवालय सदस्य समेत रहेका बोहराको दुई छोरा र दुई छोरी रहेका छन्। बोहराको शुक्रवार गृह जिल्ला बैतडीमै दाहसंस्कार गरिने पारिवारिक श्रोतले जनाएको छ। २०७४ सालको स्थानीय तह निर्वाचनमा नेकपा एमालेबाट डिलाशैनी गाउँपालिकाको अध्यक्षमा निर्वाचित भएका थिए।

प्रकाशित मिति: बिहीबार, कात्तिक ९, २०८०

प्रतिक्रिया दिनुहोस्

जयपृथ्वी खबर

यो रेडियो जयपृथ्वी एफ.एम. बझाङद्धारा सञ्चालित अनलाइन हो । २०७८ सालको जयपृथ्वी बहादुर सि‌ंहको जन्मजयन्तीको शुभ अवसर पारी स्थापना भएका यो रेडियो तथा अनलान न्युज पोर्टलले ताजा,सन्तुलित र निष्पक्ष समाचार र लेख रचना प्रसारण प्रकाशन गर्दै आएको छ।

थप सुदूरपश्चिम