बझाङमा दशैंकै दिन खोलामा बगेर एक बालकको मृत्यु 

बझाङमा खोलमा बगेर एक बालकको मृत्यु भएको छ । मृत्यु हुनेमा खप्तडछान्ना गाउँपालिका - ४ का जोगेन्द्र रोकायाका ०६ वर्षीय छोरा विवेक रोकाया रहेका छन् । 

उनी आज दिउँसो ०३ बजे ११ वर्षिय दाइसँगै खोला तर्न खोज्दा बगेका थिए । उनको बगेको केहीबेरमा नै मृत्यु भएको जिल्ला प्रहरी कार्यालय बझाङले जनाएको छ ।  दशेंकै दिन छोरा गुमाउँदा जोगेन्द्रको परिवारमा सन्नाटा छाएको छ । 

उक्त घटनास्थल प्रहरी चौकी छान्ना र खप्तडछान्ना गाउँपालिकाको कार्यालय पसलबगरबाट करिब १००/१५०  मीटरको दूरीमा मात्र रहेको र दैनिक आवतजावत गर्ने मूलबाटोसमेत रहेको बताइएको छ । खोलामा पानीको बहाब धेरै भएका कारण ससाना बालबालिकालाई खोला तर्न असहज हुने गरेको स्थानीयको भनाई छ ।