पूर्ण चन्द्रोदय मावि थलारा -९ का विद्यार्थीहरुमा काप्ने, बेहोस हुने समस्या, विद्यालय बन्द

पूर्ण चन्द्रोदय मावि थलारा -९ कुलाकाट्नेमा विद्यार्थीहरुमा बेहोस हुने, काम्ने र ढल्ने समस्या देखिएपछि पठनपाठनमा समस्या भएको छ ।

सोमबारदेखि कक्षा ५ देखि कक्षा १० सम्मका छात्रछात्रा दुबैमा काप्ने, बेहोस हुने र ढल्ने समस्या देखिएको हो । विद्यार्थीहरुमा काप्ने, बेहोस हुने र ढल्ने समस्या देखिएपछि विद्यालय आगामी आइतबारसम्मका लागि बन्द गरिएको छ ।

विद्यालयका प्रधानाध्यापक टेकबहादुर थापाका अनुसार विद्यार्थीहरुमा देखिएको समस्याबारे थलारा गाउँपालिकामा जानकारी गराउँदा केही दिन विद्यालय बन्द गर्न भनेकाले विद्यालय आइतबारसम्मका बन्द गरिएको हो ।

अन्य विद्यालयमा छात्राहरुमा मात्रै यो समस्या देखिए पनि यहाँ छात्रहरुमा पनि यो समस्या देखिएको प्रधानाध्यापक थापाले बताउनुभयो ।

उहाँले विद्यार्थीमा देखिएको यो समस्या हटाउन जिल्ला स्वास्थ्य कार्यालय बझाङलाई पहल गरिदिन पनि आग्रह गर्नुभयो ।