सुदूरपश्चिम

बझाङमा रैथानेबाली मार्सेमा कागे किराको प्रकोप

जयपृथ्वी खबर

बुधबार, असोज ३, २०८०

मार्सेमा कागे किराको प्रकोप

बझाङको विभिन्न ठाउँमा लगाइने मार्से बालीमा किरा लाग्न थालेपछि किसान चिन्तित बनेका छन् । पाक्नै लागेको मार्सेबालीमा कागे नामक किराको प्रकोपले सखाप पारेको किसानहरुले गुनासो गरेका छन् ।

मार्सेबालीमा यो किराले आक्रमण गरेको एक दुई दिनमै पुरै बारी खाएर नष्ट गर्ने गरेको जयपृथ्वी नगरपालिका १ कैलासका स्थानिय राजबहादुर सिंहले बताउनुभयो ।

कैलास र खप्तडछान्नाको गोरखाली गाउँका स्थानियको मुख्य बालीका रुपमा रहेको मार्से किराले सखाप पारेपछि भोकमरी लाग्ने चिन्ता किसानमा थपिएको छ । कृषि ज्ञानकेन्द्र बझाङले मार्से बालीलाई रैथाने बालीको सूचिमा राखेको छ ।

मार्सेबाली कम मिहिनेत गरेर सुख्खा ठाउँमा पनि सहजै उत्पादन गरेर सजिलै भित्र्याउन सकिने भएकाले कृषकहरूको यो बाली लगाउने तर्फ आकर्षण बढेको थियो । बझाङका अधिकांश भेगमा लगाइने मार्सेबालीलाई अति वा अनावृष्टि भई खाद्यान्न उत्पादन कम भएका वर्षहरुमा अनिकाल टार्ने मुख्य बालीका रुपमा पनि लिने गरिन्छ ।

प्रकाशित मिति: बुधबार, असोज ३, २०८०

प्रतिक्रिया दिनुहोस्

जयपृथ्वी खबर

यो रेडियो जयपृथ्वी एफ.एम. बझाङद्धारा सञ्चालित अनलाइन हो । २०७८ सालको जयपृथ्वी बहादुर सि‌ंहको जन्मजयन्तीको शुभ अवसर पारी स्थापना भएका यो रेडियो तथा अनलान न्युज पोर्टलले ताजा,सन्तुलित र निष्पक्ष समाचार र लेख रचना प्रसारण प्रकाशन गर्दै आएको छ।

थप सुदूरपश्चिम