यी हुन् बझाङ जिल्ला कारागारबाट कैद माफी मिनाहा हुने व्यक्ति

सरकारले संविधान दिवसको अवसर पारेर बझाङ जिल्ला कारागारमा रहेका दुई जनाको कैद माफी मिनाहा गरेको छ । राष्ट्रपति रामचन्द्र पौडेलले मन्त्रिपरिषदको २९ भदौको सिफारिस अनुसार ३ असोजदेखि लागू हुने गरी बझाङका दुई जनाको कैद माफी मिनाहा गरेका हुन् ।

५० प्रतिशत कैद भुक्तान गरिसकेका र ज्येष्ठ नागरिकलाई कैद सजाय माफी मिनाहा दिएको हो । बझाङमा सजाय माफी मिनाहा पाउनेमा ६९ वर्षिय छबिसपाथिभेराका जेष्ठ नागरिक धनराज भनिने चन्द्रदेव जोशी र  हरेन्द्र मण्डेल रहेका छन् । यी दुबै जनाले ५० प्रतिशत कैद भुक्तान गरेको, चालचलन ठिक रहेको र जेष्ठ नागरिक नागरिक भएका हैसियतले कैद माफी पाएका हुन् ।

हरेन्द्र मण्डेल सवारी ज्यान मुद्धामा कारागार चलान भएका थिए भने उनले कारागारमा ३ वर्ष बस्नुपर्नेमा आम माफि मार्फत् १ वर्ष ६ महिना मात्रै जेल बस्नु पर्‍यो । यस्तै जेष्ठ नागरिक चन्द्रदेव जोशी लागु ‌औषध मुद्धामा कारागार चलान भएका थिए । उनले ८ महिना बस्नुपर्ने भए पनि ६ महिनामै आम माफि पाएर जेल मुक्त भएका छन् ।