जयपृथ्वी नगरपालिका - ७ मा सुवेडामा बाघ आतंक, ८ बाख्रा मार्‍यो, एक शक्त घाइते

जयपृथ्वी नगरपालिका वडा नम्बर ७ मा बाघ आतंक बढेको छ । बाघले स्थानीय हिजो पानी काफल सामुदायिक वनमा चराउन लगेका ८ बाख्रा मारेको छ भने एक बाख्रालाई शक्त घाइते बनाएको छ ।

जयपृथ्वी नगरपालिका ७ का स्थानीय लोकबहादुर बम्मको ६ बाख्रा र जयप्रकाश बम्मको २ बाख्रा मारेको छ भने जयप्रकाश बम्मको एक बाख्रा शक्त घाइते बनाएको छ । बाघले तर्साउँदा लोकबहादुर बम्मको अझैं दुईवटा बाख्रा हराइरहेका छन् । यसअघि गत फागुनमा पनि बाघले एक बाख्रा खाएको थियो ।

पिडित लोकबहादुर बम्मका अनुसार आजभोली पानी काफल सामुदायिक वनमा दिनदाहडै बाघले बाख्रा मार्ने र मानिसलाई तर्साउने गरेको छ । बाघको आक्रमणबाट लोकबहादुर बम्म र जयप्रकाश बम्मको झण्डै साढे दुइ लाखको क्षति हुन गएको प्रहरीले जनाएको छ । पानीकाफल बनमा अहिले बढ्दो आतंकले त्यहाँका मानिसहरु त्रसित बनेका छन् ।