बन्द रहेको कायाखोला लघुजलबिद्युत आयोजनाको विद्युत सेवा पुन: सुचारु

साइपाल गाउँपालिका वडा नं ३ मा अवरुद्ध भएको कायाखोला लघुजलबिद्युत आयोजनाको महिनौपछि विद्युत सेवा सुचारु भएको छ ।

लगातार परेको अविरल वर्षाका कारण बाढी पहिरो जाँदा करिब दुई महिनादेखि अवरुद्ध भएको कायाखोला लघुजलबिद्युत आयोजनाको विद्युत सेवा महिनौपछि ममर्त गरेर शनिबारबाट पुन: सुचारु भएको स्थानिय हर्जत बोहोराले जानकारी दिनुभयो । उहाँका अनुसार आयोजनाको मुहानको नहर मर्मत गरेपछि बिद्युत सेवा पुनः सुचारु भएको हो ।  

साइपाल गाउँपालिका वडा नं ३ का वडा सदस्य गोपी बोहराको पहलमा वडाका स्थानियहरु मिलेर श्रमदान गरेपछि शनिबारबाट विद्युत सेवा सुचारु भएको बोहोराले बताउनुभयो । २०७६ सालमा बनेको लघुजलबिद्युत आयोजनाको महिनौसम्म अन्धकारमा बसेका स्थानियहरु विद्युत सेवा सञ्चालनमा आएपछि खुशी भएका छन् ।