विशालु च्याउ खाएकी कठायत पुनः गम्भीर  विरामी, जिल्ला बाहिर रेफर गर्ने तयारी

जंगलको विशालु च्याउ खाएकी जयपृथ्वी नगरपालिका ६ की पुनीदेवी कठायत पुनः गम्भीर  विरामी पर्नुभएको छ ।

गत बुधबार साँझ विशालु जंगली च्याउ खाँदा गम्भीर विरामी भएकी बिहीबार जिल्ला अस्पतालमा उपचार पश्चात घर फर्किनुभएको थियो । तर हिजो (शनिबार)देखि पेट दुख्न सुरु भएकाले जिल्ला अस्पताल सिमखेतमा भर्ना गरिएको छ । कठायतको जिल्ला अस्पतालमा उपचार सम्भव नभएपछि जिल्ला बाहिर रेफर गर्ने तयारी भइरहेको जिल्ला प्रहरी कार्यालय बझाङले जनाएको छ । 

यसअघि जङ्गली विषालु च्याउ खाँदा कठायतका ७ वर्षीय छोरी एन्जिला कठायत र १२ वर्षीय छोरा सुदीप कठायतले ज्यान गुमाइसकेका छन् ।

च्याउ खाएर गम्भीर बिरामी भएकी एन्जिलाको बिहीबार बिहान र उनका दाजु दिपेशको बिहीबार राति मृत्यु भएको प्रहरीले जनाएको छ ।

घरमा ५ जना रहेपनि एक छोरी र बुवा अन्यत्र भएका कारण उनले च्याउ खाएका थिएनन् । च्याउ खाएकामध्ये २ जनाको मृत्यु भइसकेको र आमाको अवस्था अहिले गम्भीर रहेको जिल्ला प्रहरी कार्यालय बझाङका प्रमुख प्रहरी नायब उपरीक्षक जागेश्वर भण्डारीले जानकारी दिए ।