यी हुन्, मन्त्रालयले बझाङका स्थानीय तहमा खटाएका नयाँ हाकिम !

संघीय मामिला तथा सामान्य प्रशासन मन्त्रालयले ८० जना शाखा अधिकृतलाई एकैपटक गाउँपालिकामा खटाएको छ । मन्त्रालयको कर्मचारी प्रशासन महाशाखाले नयाँ नियुक्त भएका, ६ महिना तालिम सकेका शाखा अधिकृतहरुलाई गाउँपालिकाको प्रमुख प्रशासकीय अधिकृतका रुपमा खटाएको हो ।

गाउँपालिकाको प्रमुख प्रशासकीय अधिकृत प्रशासनतर्फको शाखा अधिकृत हुने कानुनी व्यवस्था अनुसार नै नयाँ शाखा अधिकृतहरुलाई खटाइएको स्थानीय तह कर्मचारी प्रशासन शाखाका उपसचिव खिलराज राईले जानकारी दिए । प्रमुख प्रशासकीय अधिकृत खटाउन सचिवस्तरीय निर्णय हुनुपर्ने भएता पनि मन्त्रालयका सचिव कृष्णहरि पुष्करले सहसचिव हेमराज तामाङलाई शाखा अधिकृतसम्मको सरुवाको जिम्मेवारी प्रत्यायोजन गरेका छन् ।

मन्त्रालयका अनुसार अब प्रमुख प्रशासकीय अधिकृत रिक्त स्थानीय तहमा ४० भन्दा थोरै रहेको छ । यसैबीच मन्त्रालयले बझाङका स्थानीय तहमा प्रमुख प्रशासकिय अधिकृत सम्हाल्ने गरि ५ जना शाखा अधिकृत खटाएको छ । जसमध्ये सिर्जना रेग्मी दुर्गाथली, हरिप्रसाद सुवेदी खप्तडछान्ना, कुमारी गोमती बोगटी बित्थडचिर गाउपालिका, श्रीदेव यादब तल्कोट गाउँपालिका र कृष्ण ठाकुर सुर्मा गाउँपालिकामा प्रमुख प्रशासकीय अधिकृतका रुपमा खटाइएको छ ।

नामवली र स्थानीय तह