थलारा -२ मा बालबिबाह तथा घरेलुहिंसा न्यूनिकरणका लागि जनचेतनामूलक कार्यक्रम गरियो

समूदाय प्रहरी साझेदारी कार्यक्रम अन्तर्गत शान्तिपूर्ण एवं सुरक्षित समाजका लागि प्रहरी भन्ने नाराका साथ बालबिबाह तथा घरेलु हिंसा सम्बन्धी जनचेतना मूलक कार्यक्रम थलारा गाउँपालिका २ मा सम्पन्न भएको छ ।

अस्थाइ प्रहरी पोष्ट थलारा २ बगाडाका इन्चार्ज प्रहरी सहायक निरिक्षक मानबहादुर पालको नेतृत्व र शारदा माविका विद्यालय व्यवस्थापन समिति अध्यक्ष तथा निवर्तमान वडाध्यक्ष हेम खड्काको प्रमुख आतित्थ्यतामा बालबिबाह तथा घरेलु हिंसा सम्बन्धी जनचेतना मूलक नाराजुलुस र अन्तरक्रिया कार्यक्रम सम्पन्न भएको हो ।

 शारदा मावि दंगार्जी,  खापरदेव आधारभूत विद्यालय बगाडा र करबिर आधारभूत कफलकाँडाका कक्षा ६ देखि १२ सम्मका विद्यार्थीसहित थलारा २ का भद्रभलाद्मी, समाजसेवी, जयपृथ्वी एफएम नेटवर्कका सहकर्मी देवेन्द्र सायर, स्वास्थ्य स्वयंम सेविका, अनमी लगायत ५०० जनाको उपस्थितिमा टोलटोलमा गइ बालबिबाह घरेलु हिंसा सम्बन्धी नाराजुलुस गर्दै खापरदेव आधारभूत विद्यालयमा कोणसभा कार्यक्रम गरिएको अस्थाइ प्रहरी पोष्ट थलारा -२ बगाडाका प्रहरी सहायक हवल्दार जगत खड्काले बताए ।