दुुर्गाथली गाउँपालिका - २ गाग्रीपाटामा चैते धान फल्यो

दुुर्गाथली गाउँपालिका वडा नम्बर २ मा चैते धानको परिक्षण सफल भएको छ । बझाङमा पहिलो दुुर्गाथली २ स्थित गाग्रीपाटामा ४० केजी बिउबाट सफल परिक्षण भएको छ ।

कञ्चनपुरको सुन्दरपुरस्थित कृषि विकास फर्मबाट ल्याइएको चैते ६नामक धानको सफल परिक्षण भएको दुुर्गाथली २ का वडाध्यक्ष धनराज मिश्रले बताउनुुभयो ।

कृषि ज्ञान केन्द्रले कञ्चनपुरको सुन्दरपुर कृषि विकास फार्म २०० किलो चैते ६ र हर्दीनाथ १ जातको धानको बिउ ल्याएकोमा जयपृथ्वी नगरपालिका, थलारा, छबिस, केदारस्युँ, दुुर्गाथली गाउँपालिका लगायत तल्लो तटिय क्षेत्रमा वितरण गरिएको थियो ।

त्यसमध्ये दुुर्गाथली २ गाग्रीपाटा सफल भएको हो । कृषि ज्ञान केन्द्रका प्रमुख टेकबहादुर विष्टका अनुसार अन्य ठाउँमा लगाइएको धानबालीको नतिजा प्राप्त हुन बाँकी रहेको छ ।