बझाङमा हाइड्रोपावरको केमिकल बोकेको जिप दुर्घटना

बझाङमा हाइड्रोपावरको केमिकल बोकेको जिप दुर्घटना भएको छ । जिल्लाको तल्कोट गाउँपालिका -१ सुनिकोट मोडमा चैनपुर सेती हाइड्रोपावरको केमिकल लगेर गएको जिप दुर्घटना भएको हो ।

मोडमा अनियन्त्रित भएर खसेको बा १० च ७२४३ नम्बर जीपमा यात्रु सवार नरहेको र  चालकले हाम फालेर ज्यान जोगाउन सफल भएको प्रहरीले जनाएको छ ।

जीप सडकबाट करिब २०० मिटर तल खसेको जिल्ला प्रहरी कार्यालय बझाङका सूचना अधिकारी रमेशदत्त अवस्थीले बताउनुभयो ।

चालक शान्तीनगर -६ दाङका ३६ वर्षीय उमाशंकर बोगटी रहेको प्रहरीको भनाई छ ।  दुर्घटनामा परेको जीप टुक्रा टुक्रा भएको अवस्थामा भेटिएको छ ।