पहिरोले जयपृथ्वी राजमार्ग अवरुद्ध

सडकमाथिबाट खसेको पहिरोले जयपृथ्वी राजमार्ग अवरुद्ध भएको भएको छ । गयराति परेको वर्षाका कारण बैतडिको ढोल्यामोडस्थित सडक खण्डमा पहिरो जाँदा राजमार्ग अवरुद्ध भएको हो । 

सडकमाथिबाट रुखसहित पहिरो खसेर सडक अवरुद्ध हुँदा बिहानैदेखि सवारी आवागमन ठप्प भएको छ । यस्तै जयपृथ्वी राजमार्ग अन्तर्गत दुधिलाखान र मोतिपुरमा पनि पहिरोले एकतर्फी सडक मात्रै सञ्चालन भइरहेको बैतडी प्रहरीले जनाएको छ ।

 ढोल्यामोडमा सडक खुलाउने प्रयास भइरहेको र आफूहरु बिहानैदेखि सडक खुल्ने प्रतिक्षामा रहेको छबिसपाथिभेरा गाउँपालिकाका निवर्तमान उपाध्यक्ष राधिका रतालाले बताउनुभयो । बैतडी हुँदै बझाङ भित्रिने र बझाङबाट बाहिरिने यात्रु बीचबाटोमै अलपत्र परेका छन् ।