बझाङ जिल्लामा परिक्षण गरिएको ड्रागन फ्रुट खेतीको अनुगमन 

बझाङ : बझाङ जिल्लामा ड्रागन फ्रुटको व्यवसायिक खेती अनुगमन गरिएको छ । कृषि ज्ञान केन्द्र र जिल्ला समन्वय समिति बझाङद्वारा आज मंगलबार जिल्लामा गरिएको ड्रागन फ्रुट खेतीको अनुगमन गरिएको हो ।

ड्रागन फ्रुट एक फल हो । यो फललाई नेपालीमा सिम्थी फल भनेर चिनिन्छ । ड्रागन फ्रुट क्याक्टस बर्गमा पर्छ । यो फलको खेती पानी कम पर्ने ठाउँहरुमा एकदम राम्रो हुने भएकाले कृर्षि ज्ञान केन्द्रको समन्वयमा जिल्लाको केदारस्यूू गाउँपालिका वडा नं। ९ झोता र छविस पाथिभेरा गाउँपालिकाको वडा न।। १ भाडे क्षेत्रमा उक्त ड्रागन फ्रुटको खेती गरिएको कृर्षि ज्ञान केन्द्र बझाङका प्रमुख टेक बहादुर विष्टले जानकारी दिनुुभयो ।

कृषि ज्ञान केन्द्रको लगानीमा उक्त खेतीको व्यवसायिक परिक्षण गरिएको र खेती राम्रो भएको खण्डमा त्यसलाई व्यवसायिक खेती बनाइने उहाँले बताउनुभयो । अहिले तत्कालका लागी जिल्लाको झोता र भाडेमा ५।५ लाखको लगानीमा परिक्षण गरिएको छ ।नेपालमा यो फलको फाट्टफुट्ट गरिएको खेती हाल आएर व्यावसायिक रुपमा गरिन थालिएको छ । बझाङमा भने यो पहिलो पटक परीक्षण भै रहेको कृषि ज्ञान केन्द्र प्रमुख बिष्टले बताउनुभयो । विशेष गरी सुगर र कोलेस्ट्रालका विरामीहरुका लागि ड्रागन फ्रुट हितकर रहेको छ । त्यतिमात्र हैन यसले मुटु पनि स्वस्थ राख्ने भएका कारण यो फलफुुललाई नेपालमा मात्रै नभएर विदेशमा बढी माग हुने गरेको छ । 

अनुगमनको क्रममा हाल सम्म ड्रागन फ्रुटमा कुनै रोग तथा किराको संक्रमण देखा नपरेको जिल्ला समन्वय प्रमुख नर बहादुर बोहराले  बताउनुभयो । बझाङका लागि ड्रागन फ्रुट खेती नयाँ भएको बताउदै बोहराले परिक्षण सफल भएको खण्डमा जिल्लामा ड्रागन फ्रुटलाई व्यवसायीक रुपमा अघि बढाउन सकिने बताउनुभयो । फल लाग्ने समय ड्रागन फ्रुट लगाएको पहिलो बर्षमा नै फल लिन सकिन्छ, साधारणतया यो फल मे – जुन तिर फुल फुल्ने र अगष्ट – डिसेम्बर तिर फल लाग्ने हुन्छ । ठाउँको तापक्रम अनुसार फुल फुल्ने र फल लाग्ने समयमा केही तलमाथि हुनसक्छ । फल पाक्नु अघि हरियो रङको हुन्छ र पाक्न थालेपछि रातो रङमा परिणत हुन्छ । यसरी रङ परिवर्तन भएको ३—४ दिन पछि फल टिप्न योग्य हुन्छ ।यो फलको मुल्य प्रतिकिलो ८ सय देखी १५ समय सम्म पर्ने भएका कारण यसको व्यवसायिक खेतीमा लाग्नका लागी पछिल्लो समय धेरैले लगानी गरिरहेका छन् । अनुगमन कार्यक्रममा कृषि ज्ञान केन्द्र बझाङका प्रमुख टेक बहादुर विष्ट, जिल्ला समन्वय समिति प्रमुख नर बहादुर बोहरा, उप प्रमुख कृष्ण बहादुर विष्ट लगाएत अन्य सरोकारवाला र पत्रकारहरुको उपस्थिति रहेको थियोे ।